Les mots surlignés font l'objet d'une note
1Monsieur, encor que je masseure que soyés desià adverty dailheurs
2comme il a pleu à Dieu inspirer tellement larmée chrestienne
3que de se mettre en chemin pour poursuyvre la victoire
4quil luy donna lannée passée contre le Turc, si nay-je
5pourtant voullu failhir vous envoier lextraict des novelles
6cy joinct que jay receu de Romme qui sont assés
7fresches comme vous verrez. Au demeurant, monsieur, monsieur
8Du Maz à la fin nous a estably icy les postes. Il passa
9hyer par icy le duc de Montalte, nappolitain,
10revenant d’Espaigne, qui confirme la deffaicte de
11Jehanlys, disant quil y avoit beaucoup de catholicques
12qui nont heu guières meilheur marché que les aultres.
13Vous aurez sceu aussi, monsieur, la mort dung de noz
14voisins, sieur Jehan de Champpolion, qui a bien heu le
15loisir de se recognoistre car il a malladié plus de
16quatre moys. Cest tout ce que je scay de nouveau,
17qui me gardera vous fère plus long discours, si ce
18nest pour me recommander très humblement à vostre bonne
19grâce, et prier Dieu vous donner
20Monsieur en très bonne santé, longue et heureuse vie.
21D’Ambrun, ce IXe daoust 1572
22Vostre très humble allié et serviteur,
23G. d’Avanson, a[rchevêque] d’Ambrun
24Sa Sainteté a mandé cinq
25jubillé pour prier Dieu
26quil favorise larmée chrestienne.
27Jentens que celle de Portugal est
28passée bien près de Marceillie.
29Monsieur, je vous suplie que
30madame de Gordes voye en
31la presente mes humbles recommandations